陪着你走...

時間真係過得好快， 2018年即將過去，快要踏進2019年。

記得上年曾經有個願望 ，希望自己唔好再生病，

希望自己身體健康，但，2018年十月尾，不知不覺間我

又生病了，還放咗十日病假添，唉！我 發覺自己越來越

似林黛玉 ，嗚嗚嗚…

回顧2018年 ，除了不停工作外，還多次返過內地旅行 ，

除了搭飛機外，也搭過高鐵回內地旅行，

慶幸生病沒有影響到放大假的旅行計劃，

最終都按計劃去咗長城做好漢了 ，也去了桂林，

還有陽朔的世外桃源...

我…越來越發覺…原來自己係不適宜工作，

只適宜嘆世界架咋！

喺新一年有乜期望?

咁…緊係希望可以唔使做，

可以周圍環遊世界，當然…身邊最重要嘅係有人

肯倍著我週圍去喇！

今晚除夕夜要早啲瞓囉!咁先可以發個好夢！

哈哈哈…

風繼續吹....

風繼續吹 不忍遠離....

強颱風「山竹」殺到，天文台已於上午9時40分發出十號颶風信號。

天文台高級科學主任表示，颱風山竹集結在本港東南偏南約150公里，

隨著山竹進一步逼近，本港風勢將會由偏北至東至東南風，風力有機會

再次增強，具破壞性的猛風正影響本港，預計十號颶風信號將

維持數小時。

山竹的強雨帶及暴風潮將繼續影響香港，將為本港帶來頻密狂風大雨，

海面有巨浪及湧浪。大雨令水平面上升，惡劣天氣持續，

將會令低窪地區出現水浸，天文台提醒，市民需保持

高度警覺及應留在室內及安全地方。

今午(16日)1時許，超強颱風「山竹」吹襲下，2名

觀浪人士「唔識死」仍前往烏溪沙碼頭對開海面觀浪，

因潮漲關係，海面水位升高，行人路及碼頭均被水

淹浸，他們因而被困碼頭無法離開，需消防到場救援。

「山竹」威力強勁，天文台於短時間內由9號風球

急改掛10號風球，沿海的屋邨慘受颱風吹襲，

多處地方被海水攻陷， 甚至  出現海水倒灌氾濫，

相當嚇人。

原本諗住今個星期六、日 ， 難得放假本想同朋友嚟

一個兩日一夜嘅內地短線旅程休息一下，但係俾"山竹"

攪和咗....嗚嗚....

十號颶風信號高懸下，多處刮起強風，多處要封路， 

你又喺度做緊啲咩呢？？

唔記得以前係中一呀，定係高小時候，打風通常唔使返學，

記得有一次打風喺屋企，同表妹喺屋裏百無聊賴冇嘢做，

兩個人望住對面樓嗰啲窗...突然間...發現有個窗就

嚟跌落嚟 ，我地兩個人即時好興奮，經商量後，

我地决定打999報警。

因為我地從來都未打過999報警，當時心情真係

非常之興奮，因為终於出師有名喇！哈哈！

跟住兩個人寸步不離窗邊，一直喺度睇住事態嘅發展，

直至見到消防員破門入屋(見到有消防員出現
對面樓嗰窗前，應該係破咗門入屋啩！哈哈！)，
然後將搖搖欲墜就快掉落街嘅窗拆下來 ...

記得...當時兩個人覺得真係好興奮，好好玩架！

而家諗翻起...當然覺得果時其實我地真係傻傻哋！

做埋啲好無聊嘅嘢！ 哈哈哈 ....

圖片來源：http://orientaldaily.on.cc/

風繼續吹-張國榮

朋友

記得上一篇博文提到陶淵明首"歸園田居" ， 

不期然暗自神傷，唉！我現在仍然要為五斗米而折腰！！

究竟何時才可以過著類似陶淵明隱居在山野的田園生活呢??

不過…話唔定有朝一日，天降横財中咗六合彩頭獎幾千萬

都唔定㗎！咁就可以優哉游哉去享受一下退休生活喇！

哈哈！咁早就發夢囉?！

人生有三件大事最能考驗與朋友之間的情與義，

也許就是自己的婚禮、榮休、葬禮。

早前參加咗同事嘅榮休晚宴，這個榮休晚宴是同事

之間自發科款為榮休個位同事籌辦的。

其實上年都有同事榮休，但那次湊巧有事没空參予，

今次有空閒時間，所以也來湊湊熱鬧吧！

呢個同事 除了在工作上做事認真外，人品也相當好，

無論在工作上或者處世方面，他都曾經指導過我，

在公在私作為同事嘅我，當然要參加這個俾面派對喇！

因為他人緣非常之好，各同事之間夾錢訂酒席之餘，

還送禮物賀他榮休之喜。

同事們的真情流露，令當晚現場的氣氛為之沸騰，

碰杯聲此起彼落，眾人都沉醉在歡愉和感人的氣氛中… 

現場所見…男主角被同事們真誠的友情感動了，

好幾次感動到情不自禁留下了男兒淚！ 

那一刻，我也被感人的氣氛感染了，開始對這個大家庭

有了些少感情，也有些少慶幸自己成為了大家庭

的一份子，一種歸屬感隨即湧上心頭 … 

我不其然地附和著七十多個同事們 互唱起來…

繁星流動   和你同路

從不相識開始心接近  
默默以真摯待人

人生如夢  朋友如霧

難得知心幾經風暴

為著我不退半步正是你...

朋友 - 譚詠麟

似夢迷離 ...鬼斧神工？

之前最熱門的話題，除了世界盃外，莫過於

泰國13名少足隊員及教練到附近森林公園

的睡美人洞探險。一行人當天適逢暴雨灌入洞內，

於是逃到洞窟高處避難，但因洞內水位上漲而受困

於洞穴中，經歷了18日非人生活。

泰國警方展開連續3日的救援行動，惟因欠缺潛水
搜救裝備，遂在24日晚間派出海軍海豹部隊接手救援。
最後遂在6月24日晚用太空囊將全部人拯救出來。

有時在現實中找不到理想國度，唯有學陶淵明咁在
虛擬中去尋找令人神往的「世外桃源」，一個沒有
戰亂，沒有天災人禍，到處充滿幸福、自由、
和平、平等的理想世界...
又或者好似泰國嗰12個少年足球隊咁去到一個
隱蔽嘅山洞探吓險，暫時與世隔絕幾天乎 !

想起...東晉時代陶淵明膾炙人口的
《歸園田居》·其一

少無適俗韻，性本愛丘山。

誤落塵網中，一去三十年。

羈鳥戀舊林，池魚思故淵。

開荒南野際，守拙歸園田。

方宅十餘畝，草屋八九間。

榆柳蔭後檐，桃李羅堂前。

曖曖遠人村，依依墟里煙。

狗吠深巷中，雞鳴桑樹顛。

戶庭無塵雜，虛室有餘閒。

久在樊籠裏，復得返自然。

 泰國睡美人洞探險太危險 ?
唔想被人用太空囊運送出來 ?

咁就不如跟我去一去位於清遠嘅金龍洞 ..

一個較為安全，內有遍布形態各異，天然形成的石筍、

鐘乳石群，在彩燈的映射下，紛呈異彩，璀璨奪目...

仿似置身於似夢迷離的境界， 

忽然想起 蘇軾 - 水調歌頭 裏的那一句"何似在人間"。

金龍洞地下河

金龍洞地下河位於清遠市清新縣浸潭鎮，地理位置得天獨厚，交通十分便利。
浸潭金龍洞是距離廣州最近的一個遠古溶洞，同時也是距珠三角最近，具備廣東小桂林之稱的石灰岩地貌風光。溶洞的地下河因其形似騰龍，洞內有橙黃或桔紅色的沉積物集中分佈，呈現金鱗片片，金光閃閃，故名「金龍洞」。
金龍洞是一條長達3公里的地下河。河道婉延曲折，洞景奇特多樣。內有天然形成的石筍、遍布的鐘乳石群，形態各異。有栩栩如生的元陰石元陽石、動聽的音樂石壁、金光閃閃的石瀑布、沉睡億年的世界奇觀——石頭開花和世界洞穴之最“聚寶盆”。

似夢迷離 - 林子祥

孙楠 - 拯救