七月某個週未，朋友約咗去港島海逸君綽酒店Harbour grand cafe 食lunch buffet。
其實近年我開始對食buffet 越來越不感興趣，但...無奈啲friend總愛吃，有時難免要捨命陪君子...哈哈！(除了因為食量唔多外，最主要喺食完之後要做運動消耗番呀嘛！)
Harbour grand cafe每位人客會有杯welcome drink (可以選擇橙汁，西柚汁，汽水！)
我選擇了西柚汁，啲friend選了橙汁，用餐之後每人也有一杯咖啡、檸茶之類食料提供，雖然不是任飲，但比其他酒店只有一杯餐後飲品便算抵了。
Harbour Grand Café可以望到維港景緻
餐廳環境唔錯，枱與枱之間都算闊落，而且坐近窗口的位置可以望到海景！
無論日與夜在這寫意環境下，品嚐美饌，碓是令人舒適愜意。
毗鄰是廣闊的酒店泳池...
(環境雖好，但，我個人覺得啲木椅不太好坐，令腰部不太舒服！會趕客！)
進入餐廳, 映入眼廉既自助餐的大廳都grand 吓！餐廳內光線也頗柔和。
呢度個buffet bar 擺放左好多唔同種類既食物，而且也擺放了得意的公仔，
令氣氛看來頗輕鬆！
見隔離枱啲數名男仕們不停主攻食生蠔、長腳蟹...勁勁勁！
生蠔、螺, 青口...我喺一向都少食嘅！(今次喺全部都無食，
驚會難消化及引起腸胃不適，少吃為妙！)
海鮮類、熱盤方面都refill得好快。
由於我唔食生蠔，咁...熱盤方面就岩食Ｄ，就先來一片燒牛肉吧！
燒牛肉大嘅是medium熟，加點黑椒汁同吃，肉質和肉味都尚算不錯！
海鮮...我就只食咗長腳蟹、 熟蝦之類熟食。
蟹腳頗鮮甜及多肉，唔太咸，尚算好味，連吃幾次，不過進食時頗為費時!
(呢個時候...如果有人拆賣啲蟹肉俾我食...多幸福啊！kakakaka....)
食物方面種類都幾多，有：中、西、印度及泰國美食...
西式湯是粟米蕃茄薯仔湯，朋友尤其愛飲此湯，仲話似屋企煲果啲，
佢一連飲咗幾碗添！(比佢激死！飲湯飲飽喇！孺子不可教也！哈哈！)。
我就喝咗用以下大小菇類泡製而成的中湯，覺得幾清甜！
有：天婦羅蔬菜，pizza，凱蕯沙律&新鮮水果，水牛芝士、
泡菜沙律、日式豆腐沙律、煙三文魚, 巴馬火腿、芝士、乾果...
海鮮(冷盤)：有 蝦, 螺, 青口, 蟹腳, 生蠔...
D生蠔肉望落去好細隻...都幾新鮮,而且每次只可以取三隻，所以有好多人排隊。
朋友食完話：都幾爽脆鮮甜，但要食多幾隻先可回本喎！
印度炒飯、咖哩魚、薄餅之類
還有格仔餅 (可自制加料,玩得又食得)及蛋撻提供...
有三文魚, 壽司之類...
今次食咗好多三文魚, 壽司，師傅切得好有條理，
魚生師傅仲好慷慨咁俾好多添，淨喺食呢個已經回本！哈哈！
魚生師傅仲好慷慨咁俾好多添，淨喺食呢個已經回本！哈哈！
巴馬火腿配上甜美的蜜瓜一齊食... 絕配，好味！
芝士蛋糕、千層酥、焦糖燉蛋...我有攞到架！但...比啲friend 食晒！嗚嗚嗚...
我覺得甜品方面少咗Ｄ，好快比人拎晒！
而且有一點的失望...居然無我最鍾意食嘅芒果拿破崙、疏乎里！
食到咁上下...梗喺去進攻雪糕喇！呢度有十二款Movenpick雪糕供客人選擇，
我食幾球士多卑梨雪糕、Tiramisu、熱情果香芒雪葩及紅桑莓雪葩雪糕...好正。
如果比我選擇的話，我會以同一集團嘅紅磡都會海逸為首選 ( 因為嘢食多啲 , 水準好啲！)
范逸臣-I BELIEVE
| 地址： | 北角油街23號港島海逸君綽酒店3樓
自助早、午及晚餐 85 折優惠(匯丰卡)
憑券於Harbour Grand Café 咖啡廳惠顧早、午及晚自助餐，可享85折。
| ||||||
價錢：星期一至星期五:
成人:$298
小童:$198
星期六:
成人:$328
小童:$228
星期日及公眾假期:
成人:$358
小童:$248
