金饍韓國料理 KimChee

早前星期六下午，跟朋友一行四人出外吃午飯，友人J話想過吓韓式燒烤癮，於是提意去位於太古康怡廣場嘅"金饍韓國料理"，果度下午1點半至4點半都有折扣，我哋叫咗個4人份量嘅燒烤套餐。

果燒烤套餐每人均附送三小碟前菜，有泡菜、新鮮爽脆既大豆牙菜和青瓜等，前菜除了泡菜有點辣外(唔係太辣，老人同小孩都接受到！)，味道清淡得來尚算開胃！

 粒粒有咬口嘅白飯是採用珍珠米 (近期屋企都喺食珍珠米，有親切感喎！) ，個蘿蔔湯都幾清甜！

主食有兩大碟: 有牛肉、 雞肉、豬肉、魷魚仔和魚，份量都幾多， 所有肉／魚類都醃製過的, 味道尚算可口。

未食套餐前，原本想加個鐵板烤肉，因為見隔離枱嘅鐵板烤肉上枱時尤如鐵板扒般煙霧彌漫，肉香散發，但...最後個個都話好飽，所以冇再加其他嘢。

金饍 (韓國料理) Kimchee 是金饍的譯音，

亦解作泡菜，是韓國最地道的食品也。

門外玻璃廚櫃內擺放了各式各樣的醃菜, 

理所當然少不了泡菜喇！

以為星期六兼夾有優惠，等位是難免的，點知好快就有位喎...

餐廳內裝修簡單，環境清雅，大部份

都係梳化卡位，坐得算幾舒服...

仲有一瓶瓶韓國調味料做裝飾品

 每款午餐均附送每人三款前菜

即席以電爐燒烤...肉香四溢，令人唾涎。

 侍應不斷加茶外，燒了一段時間，

還問需唔需要換爐網添，服務值得一讚。

整體而言，呢餐以環境和食物來說也算抵食！八折埋單每人都唔駛＄90蚊，又可以過吓燒烤癮，下次可以encore ！

金饍韓國料理

太古康山道1號康怡廣場3樓