乙未羊年- 農曆新年隨想

近來真的沒有靈感寫blog,(懶就懶喇!又賴話無靈感!

唔通要好似讀書時候咁...被老師追功課先迫出靈感嚟咩！kakakaka....)

咁...都要揾啲嘢寫寫架! (講到實有人睇你個blog咁...

哈哈!無人睇咪當自我娛樂同訓練吓文筆囉！)

就講吓...農曆新年吧!

香港嘅農曆新年真喺越來越沒有氣氛，

對我來說新年的幾天假期,一定要做的事情，

就只有拜年、拜年、食、食....

有冇買新衫過農曆新年?當然有喇!

其實在百忙之中都有抽空去吓shopping買新衫嘅！
但...看得上眼的只有一兩件衫而矣！回家翻開衣櫃看看，
原來有啲衫只穿過一兩次,便被打入冷宮。
買衫果陣時,真喺幾鍾意架!但...過後便貪新忘舊!
(犯了所有女性都會犯的錯!學咗電影圈某大哥大...
總要拖別人落水先得！kakakaka...)

有咩農曆新年前一定要買？新睡衣、新床單和被褥,
因為細個時亞媽會咁做，所以繼承咗呢個習慣！
真的！大年初一訓醒會有一種新年的感覺架！
唔信?下一個農曆新年試吓囉!

講起細個時候嘅農曆新年,記憶最深嘅喺....

....都會比亞爸投訴...投訴乜?? 

 咪就喺...我細個時候總喜歡在新年期間掃地囉！KaKaKaKa...

細個時候都幾反叛吓!大人越唔比我做嘅嘢,我越想做!越會做！

果時農曆新年亞爸總喜歡喺花市買一盤桔仔,一盤鬰金香花或者水仙花...

亞媽就會煑好多美味的應節餸菜比我哋大快朵頤！
(細個時候,總覺得亞媽喺女廚神咁勁！)

饞嘴的我總喜歡在飯前祈禱時偷吃餸菜!kakakaka...

還有...跟爸媽去逗利是,有得食又有利是逗...真喺幾開心吓!