WhatsApp 七宗「罪」

早前facebook宣布巨額收購WhatsApp，後者隨即獻上「賀禮」，暫停服務數小時，

一眾用家馬上「回禮」鬧爆。

事後掀起網上討論，WhatsApp功能有何不足？如何影響我們的生活？

　　(一) 被逼加入群組

　　被逼加入群組又不好意思退出（因會顯示出來），組員多的話，隨時一口氣收到二、三十個訊息，手機響個不停，叫人心情煩躁。群組愈多，小圈子是非便愈多，筆者友人說，她與四個朋友Form了四個群組，很怕在群組發錯訊息，於是快快「斬纜」，遠離是非。

　　(二) 愛簡約棄禮儀

　　WhatsApp世界，似乎毋須以禮相待，副刊組美女上司親述，收到一個推薦餐廳的訊息，發訊息者沒介紹自己，只叫她按Link自己看介紹內容，連笑面Icon都懶得用，可見基本禮儀正倒退中。

　　(三) 自動儲存相片

　　遇到一些你不想要的相片，WhatsApp都會隨訊息自動存入手機相庫，想拒絕只能眼明手快在下載時按下「X」，但很多時都不夠快！

　　(四) 上線時間露行蹤

　　細心者會留意，WhatsApp會顯示用家最後上線時間，變相令行蹤畢露，有欠私隱！建議在設定中選擇不顯示最後上時間，但每月程式又會自動調回，須重新設定一次。

　　(五) 白撞宣傳資訊

　　「你好！我們是×××公司……」，此類擾民廣告訊息近年開始攻佔WhatsApp，當中不少是補習廣告。有目標的電話號碼便可直接Send廣告訊息，今時今日，可說是避無可避！

　　(六) 冷卻親密互動

　　自WhatsApp出現，人們減少電話聯絡，有時連文字訊息也懶得發，只以圖案表達，讓人際關係進一步冷卻。

　　(七) Check訊息癮

　　無論何時何地，總會定時查閱有否WhatsApp通訊，即使是Relax旅遊中亦然。WhatsApp令不少人如上癮般不斷查閱訊息，變成二十四小時「On Call」，隨時候命……等接Message！

　　現時全球WhatsApp活躍用家逾四億人，比第一位的WeChat少兩億，但多第三位的LINE一億用家。香港人特別愛用WhatsApp，IT達人兼Tech Blogger Jansen Lu估計是愛其簡單易用。然而，facebook收購WhatAapp後擬增加通話功能，是否簡單不再？「facebook最叫人煩擾的是賣廣告和侵犯私隱，觀乎早前收購Instragram後除改了兩次私隱條例外，基本上能保留Instagram的特徵，相信WhatsApp實質變動不大。這宗收購的最大目的，我相信是開拓市場，採集數據，訂下更精準的廣告策略。」言下之意，我們將難逃廣告攻擊！

.

以下是一些網民的留言：-

真係要問下編者有咩好介紹沒有文中七宗罪嘅通訊軟件呢?

 你所講果d 有邊款唔係咁?

 一編打手文章都唔知登嚟做乜.....!

(三)自動儲存相片
(四)上線時間露行蹤
<--其實依 d 人地都有得比你 set 架喎 , 你自己唔set , 又去當係人地的「罪」, 同莫須有有咩分別呢

(七)Check訊息癮 <-- 依個更加九唔搭八 , 你唔好話人地搞到你飯都唔記得食 , 廁所唔得閒去同埋令你近視加深幾倍

第一,可以去較靜音／ 訊息震動/響鬧係可以關閉既(群組同個人可以分開設定)

第二, 媒體訊息亦都有得揀唔自動儲存既  唔該先去設定睇清楚....

(一)可以去較靜音

(三)可以較唔自動儲存／唔自動下載相/影片/音檔,訊息通知都可以搞有無聲出.....

(四)每月較一次好辛苦？

其他嗰啲乜鬼人與人距離越嚟越遠就更廢話！你要足不出戶的話，冇咗Whatsapp仲有Line、Skype、Facebook messenger等等等等，你柒到冇得上網咪最多SMS，咪鬼賴人！！

成篇文章就冇嘢搵嘢嚟講！！

1. 隨時一口氣收到二、三十個訊息，手機響個不停，叫人心情煩躁。

    可以mute左佢...

2.愛簡約棄禮儀

   E個唔係WHATSAPP既罪，MSN時已經係咁啦

3.你可以自己較...

4.冷卻親密互動 自WhatsApp出現，人們減少電話聯絡，有時連文字訊息也懶得發，
   只以圖案表達，讓人際關係進一步冷卻。

   又關WHATSAPP事....?  OK，不過E個係所有這類軟件的罪...

其實除左第一個「被逼加入群組」以外

我覺得好多都唔喺WATSAPP問題……咩上癮/check msg其實喺我地自己嘅問題啦

被逼加入群組唔好意思退出  我建議加個閉屏功能  令群組消息唔彈出

我最不喜歡是顯示最後在線時間

但第一個point被逼加入群組係咪無得避免??

成日有d不知名號碼, 補習社, 推銷個d會無端端 add你入去, 超乞人憎

資料：
WhatsApp是一款高效實用的應用程序，用戶可以使用它通過手機快速發送信息給其他朋友，
與朋友互通有無。只需你的朋友手機上同時安裝了WhatsApp這款應用程序即可。
 此外，WhatsApp應用程序不僅支持iPhone智能手機，同時還支持Blackberry
Android和Nokia等智能手機，所以你無需擔憂朋友們用的手機層次不齊，只需安裝即可發送。
 只要用戶下載安裝WhatsApp，即可開始與同樣下載此應用程序的用戶免費發送即時短訊，
圖片文件，視頻文件，鏈接或者其他內容，方便簡單，一步到位。
毋庸置疑，WhatsApp就是這樣一款完美的適用於智能手機平台上的聊天應用程序。

資料及圖片來源：

http://hk.news.yahoo.com/

http://whatsapp-messenger.cn.uptodown.com/