生活點點滴滴....

早前去咗北角海關總部的金舫會所飲茶，朋友說這裡

因只招待會員，所以食客不算多，環境也比一般酒樓

較清靜。點心即叫即造幾新鮮，味道也不錯！

如果坐近窗口位仲可以欣賞到無敵維港海景，不過

出入會所有點不便，要有海關職員引領才可進出。

一直以來母親節，其實已經變相為亞嫲節，是夜同屋企人

本想去餐廳食飯，但餐廳居然無位，為有去酒樓食。

近年節曰都盡量少出外吃飯，一來人多，二來節曰食飯

款式又有限制又貴，三來屋企有老人家，都是在家裏

食飯較為健康同舒服！

某假日同啲朋友喺九龍公園訂咗場打羽毛球，

真喺好耐無打過，好彩仲記得點打！

九龍公園嘅泳池...看來不錯，揾日打完羽毛球要去游吓先...

打完羽毛球，跟住仲去咗...

"尖沙咀 iSQUARE 24樓-利寶閣酒家"飲茶添！

食物同服務質素不過不失，價錢也不算便宜。

(我建議...飲下午茶會抵食D！)

果度環境的確唔錯，仲可以望到超正維港景色！

(可惜呢日天色不大好 ！)

 (據聞年初二還有特別餐點 ，可以直接看到煙火匯演添！)

飲茶仲有糖水 "送"

用匯豐卡 找數有九折！(但，下午茶無discount )

飲完茶，隨意周圍逛逛...

某個夜晚，舊公司啲舊同事臨時call 我出嚟食飯，

電話一到，KaKa點忙都要同佢地聚一聚，

事關某舊同事長年在外地工作，咁啱返嚟香港幾日，

真喺難得可以相聚一吓！

幾個人雖然已經各奔前程，但，每次相聚時刻總有說不完

的話題。以前一齊工作時，曾因工作而有過爭吵和誤會！

估唔到大家離開咗舊公司，反而做番friend！

原來呢個世界真喺無永遠嘅敵人！哈哈哈...

陳奕迅 - 任我行