韓式街頭小吃 － School Food

一套 "來自星星的你" 成為城中熱話，韓風炒得火熱，雖則不太熱衷看那套韓劇，但總要趁下"韓風"啲熱鬧，不過方式卻是用舌頭去感受吓！

今次的目標是"School Food"，這間以時尚韓食做主題的連鎖韓國餐廳，據聞主理人有著演藝圈的背景，在韓國有很多藝人光顧，所以〝School Food〞在韓國引起了一陣旋風。

在時代廣場的School Food是全球的第八十七間分店，餐廳內更設置了懷舊的點唱機供客人點唱，及播放最流行的K-pop，客人在品嚐創意韓式料理的同時，亦能投入韓國音樂潮流中。

它主打菜式源自傳統韓式街頭小吃如紫菜飯卷 Kimbap（韓式壽司）和Topokki（韓式滋味年糕)和其他融合了多國菜特色的小食等等...而這些小吃更是大受歡迎的菜式。

朋友說由開張至今School Food是近來最多人龍的餐廳之一，晚餐時段至少要等候一小時以上。

由於餐廳不設訂座，已作好心理準備，輪候時間
會較長，唯有先去攞飛再去 行吓街慢慢等喇！

由於是星期六晚,加上遇著大球場的「香港國際七人
欖球賽」， 嘩!! 時代廣場的人流真的多得很...

幸好係時代廣場有個「與SUNTUR 野餐」
嘅展覽睇吓，可以謀殺不少時間...

吓！而家才A277...仲未有位！嗚嗚嗚...

唉！等了成個幾鐘...等到八點左右先有位
安排入座，真係耐性大考驗啊！

店內裝潢頗俱時尚風格，選用天然木材和紅磚去

營造簡約氣息，而且充滿K-POP feel，

主打年青人路線。客人更可以欣賞到特飲及

甜品之製作過程。其實入面嘅坐位有少少迫吓,

而且限定用餐時間爲75分鐘就要交檯。

賣的雖是韓式懷舊食物，但睇落都幾有特色！

等位時已睇定menu ，入座後已可即時點餐，

上菜速度都算正常！

甜心鳳梨艾菲 

先來一瓶賣相有些吊詭及最受歡迎的甜心鳳梨艾菲(即菠蘿

梳打)，在top-light 照射下，那螢光粉藍色調，頗像醫院的

顯影劑，也有冰藍版"李施德林"漱口水的影子(blogger

Small U 提亦)，試喝一口，清甜可口之餘，還帶點菠蘿味。

一瓶可分4杯份量，計落平均$22一杯。

太陽泡菜炒飯 x2

靈感是來自韓流家常料理，炒飯盛在整個煎pan上，幾特別！飯沾上紅色的泡菜，味道不太辣，飯面鋪上一隻半生熟的太陽蛋，把蛋黃吉爆再拌泡菜飯吃...味道不錯！

烏卒卒

這道以墨魚汁混和了米飯，再配上香濃燒汁墨魚餡料

包裹著，吃起來有點甜，中間的墨魚粒味道濃郁，

煙韌而有嚼口，配上紫菜有點壽司的風味，

難怪可以成為鎮店之寶。

 校園花卷 (牛肉飯團)

校園花卷- 煎蛋皮包著碎牛肉和飯團，味道
普普通通,牛肉頗有點像肉鬆，而且份量太小！

紳士先生 (午餐肉飯團)

以韓國的午餐肉做飯團餡料中，外面再用煎蛋皮包裹著，

賣相都幾靚，味道也可以！其實自己在家也可以照版製作！

( 剛好家裏有幾罐韓國的午餐肉，可以派上場喇！哈哈！)

是晚每人平均消費＄160

總結：SCHOOL FOOD 啲食材採用韓國入口，

食物也是即叫即做，但這些韓國街頭小食價錢略為偏貴，

據聞香港區的SCHOOL FOOD 價格較韓國本土的為貴！

值不值得排個半鐘或以上的隊光顧，然後又要限時限刻

(約75分鐘) 完成用餐，真是 見人見智喇！

其實要食韓國野，尖沙咀的韓國街多啲是，果度啲韓國餐廳

應該有特色過呢間排哂長龍既餐廳！

甜品...就去咗Via Tokyo食"白玉紅豆抹茶雪糕"！