2016年4月4日 星期一

椰香芋頭喳咋糖水 & 蛋花大菜糕

一直以來都超喜歡食喳咋糖水,但,好懒,通常都在水舖
或買"日x美味寶"來止渴,復活節假期裏就試試整一整吧!
咋喳最初是由澳門傳入香港,據說是源自葡萄牙語「雜糧」的音譯。
是以前駐守在澳門的兵房,把各種豆類煮成一煲糖水作為午餐而發明的。
最初的喳咋以各種豆類為主,有紅豆、綠豆、眉豆、紅腰豆、三角豆等,
後來還加入芋頭、西米、椰漿和淡奶。集多種材料所煮成。


材料:
1.  清水 3.5公升
2.  粗粒芋頭(大小隨意) 300克 
3.  三角豆( 又稱鷹嘴豆) 80克
4.  花生80克
5. 綠豆80克
6.  紅豆 120克
7.  紅腰豆 120克
8.  眉豆 100克
9.  麥米 80克
10.  西米 60克
11. 蔗糖 200克(份量隨個人喜好而調配)
12. 椰漿 適量
13. 花奶 & 椰絲 適量

製法:
煮喳糖水只要按照以下步驟去做,
便不產生太稠、豆太硬或易黏底的問題:--
1. 洗淨豆類,用清水浸泡一晚上〈三角豆麥米花生較硬,宜浸久些〉
2. 芋頭去皮,切粒,蒸30-45分鐘至軟,待涼。
    (芋頭其澱粉質易黏底勿放入糖水中同煮。)
3. 西米先浸15分鐘,濾去水分,加入另煮沸的水中,中火煮至透明,撈出
    用水沖,瀝乾水份備用。
   (若用大粒西米,所時間會較長其澱粉質重,亦不宜與糖水同煮稔。)
4. 先將三角豆花生綠豆麥米及紅豆放大煲水內用大火煮滾改用中慢火
    先煲1小時然後入紅腰豆眉豆繼續煲1小時直至全部豆變鬆軟。
5. 最後加入糖及椰絲,待糖溶後再加入西米及芋頭粒,煮沸即成。
6.試味後便可上碗,可加入椰漿及淡奶伴食,冷熱吃均可(可以放冰箱裡)
    (椰漿可以選擇在熄火前倒入,也可以選擇在吃的時候加入碗裡拌勻吃。)
****可在雜貨舖/街市一包有所有喳咋豆的糖水包****





蛋花大菜糕:

材料:

- 大菜絲 10 g
- 水 1300 ml
- 冰糖 100g (隨個人喜好而調配份量)
- 雞蛋 2隻
- 椰子香油或香蕉香油1 茶匙 (份量隨個人喜好)
-淡奶適量 (份量隨個人喜好)

做法:
- 大菜絲洗淨,剪碎後用清水 浸軟(浸約5分鐘至軟) 搾乾水份備用 - 把 雞蛋打勻成蛋液備用(不要有太多蛋花而弄至少了透明感) - 大火煲滾水,然後加入大菜絲及冰糖繼續煲至完全溶解 - 加入椰子香油或香蕉香油攪勻 - 熄火後才加入雞蛋液(因水太滾,蛋花會形成一舊舊), 一邊倒一邊要用筷子 快手把蛋液拌勻成蛋花 - 最後倒入容器內,待涼後放入雪櫃, 冷藏約1-2小時至凝固後即可食用。 - 大菜絲、椰子香油或香蕉香油可於雜貨舖、街市、烘焙店或超巿購買到 - 吃的時候加入花奶、水果伴食 - 想輕易將大菜糕脫模, 先用凍滾水注滿入容器內,然後將水倒走, 不用抹乾, 直接倒入蛋花大菜溶液, 待冷藏凝固後, 用牙籤插入大菜糕之間, 慢慢倒扣便可完整將大菜糕脫模
有點童年回憶味道…哈哈!


 
後記:深造版---
加入椰漿變成"椰汁蛋花大菜糕"


 

同場加映:
長型紫皮黄心做早餐或當零食有益又健康
蕃薯淨,不用批皮,置於碟裏,隔水蒸15-20分鐘 (視乎蕃薯的大小),
可以輕鬆插入筷子即可。(用水蒸完,再用焗爐焗一焗!香口啲!)
蕃薯含有很豐富的丙種纖維素,能消除膽固醇以及克服頑固的便秘使衰弱的身體恢復健康。烤蕃薯所具有的藥效最強大, 尤其是逢到胃腸衰弱,氣力衰退時,吃烤蕃薯最有功效。
根據美國國立研究機構的 報導,只要每天吃蕃薯、南瓜、胡蘿蔔一百公克 (指三樣合起來
一百公克),就 可以防止肺癌。 蕃薯所具有的蛋白鋂,抗氧化物質以及葉紅素。

資料來源:https://zh.wikipedia.org


53 則留言:

  1. 三款我都喜歡,懶,很少煮!

    回覆刪除
    回覆
    1. 哈哈!我都喺懶,間中先煮吓咋!:P

      刪除
  2. 蛋花大菜糕未食過添。

    回覆刪除
    回覆
    1. 夏天得閒整吓呀!味道清清甜甜唔錯架!:D

      刪除
  3. 這款大菜糕好多材料啊!

    回覆刪除
  4. 呢幾款甜品唔錯,好食又養生~~大菜糕好適合熱天食!!
    細個食冇你的大菜糕咁多材料!!
    有童年回憶味道是什麼呢?!看上去好似軟軟林林?!!

    回覆刪除
    回覆
    1. 喺呀!喳咋一年四季也可以食,大菜糕較適合夏天食多啲!
      有童年回憶味道是...無呀!細個時亞媽有時會整俾我食,還有鄰居姨姨好勁,懂得用啫喱粉加大菜絲弄出不同色彩的大菜糕請我食,小時候的開心滿足回憶!哈哈!

      刪除
    2. 有很多小食之所以好味,當中一定包括了回憶的味道...反觀現在的鄰里關係大不如前~~
      其實我意思想問,你寫童年回憶那幅相是什麼食物,是否兩片大菜糕呢?!望落質地軟軟地好有彈性~~

      刪除
    3. 是呀!寫童年回憶那幅相是兩片大菜糕!
      軟軟地味道清清甜甜唔錯架!:)

      刪除
  5. 喳咋好足料
    通常臨近七夕就會整大菜糕^^

    回覆刪除
    回覆
    1. 自己整通常都足料啲...:P
      喺咩!你唔講真喺唔知!(喺咪佛教拜神的習俗!)

      刪除
    2. gael兄的鄉下又幾特別喎,七夕會整大菜糕?!...真係未聽過!!

      刪除
    3. 七夕會整大菜糕,可能是佛教拜神的習俗!:P

      刪除
    4. 原來我自己都有寫過,多謝Kaka提醒:P

      刪除
    5. 唔…下次試試學你用椰汁加蛋花整大菜糕,看看是否
      能分開一面是蛋花味,一面是椰汁味先!:P

      刪除
  6. 回覆
    1. 一齊去找Kaka
      就食齊晒
      不過隻碗的油彩就......
      公關才女,人如其名
      嘉嘉醒! = Kaka sing !
      嘉嘉勁! = Kaka king !
      嘉嘉無得頂! = Kaka Moody Ding !
      嘉嘉好索! = Kaka very Sharp!

      刪除
    2. 大夫:因為想照片在視覺上效果靚啲,所以就用呢隻油彩碗...
      大夫又嚟植入洗腦式的廣告,仲犀利過希魔的手法...kakakaka……

      刪除
    3. 潔潔,唔駛客氣!請自便吧!:))

      刪除
  7. 3.5 公升水! 你煲夠多人飲啊!?

    煮需時, 步驟不少, 好有心機! ::_1856

    回覆刪除
    回覆
    1. "3.5 公升水"...因為在煮的過程中會流失水分,再加芋頭和西米會吸水及發漲,所以要預留多些水!
      一次過煲多啲...放入冰箱裡加涷,可以慢慢嘆!哈哈!:P
      其實…我煮嘢食好隨意,不太注重計算材料份量,調味多少等問題,一切全憑自我感覺!kakakaka…
      "煮需時, 步驟不少"...喺呀!所以間中先煮吓!:D

      刪除
  8. 一次過煮多啲,食時再落糖,其餘放入冰箱,可以保存一段長時期。哈哈!睇嚟KAKA啲厨藝有番咁上下喎!

    回覆刪除
    回覆
    1. 喺喎!唔放糖住,食時再落糖,可以放耐啲!
      同Philip比較...我啲厨藝麻麻架咋!:P

      刪除
  9. Ka Ka 又女廚神上身!
    D糖水好吸引!

    回覆刪除
    回覆
    1. 唔知點解…總是覺得自己在烹飪方面有點天份,只可惜有點懒,
      不然...真的可以做女廚神架!哈哈哈....=))

      刪除
    2. 我記得,上次和雅姬蘭都想試您的桑記生呢!哈哈哈

      刪除
    3. 我都記得....唔駛客氣!請自便吧!:))

      刪除
    4. 哈哈哈,「請自便」,可圈可點,謝謝!

      刪除
  10. 喳咋糖水,真係好耐冇食過...原來要咁多唔同豆類材料,你都算好有心機整同預備呀。^_^b

    回覆刪除
    回覆
    1. 喺呀!落咗好多心機整同預備架!::uu7031

      刪除
  11. 一次過整三款甜品嗎?味覺大滿足,睇黎有排食喎!番薯數量都好多!

    回覆刪除
    回覆
    1. 不是一次過整三款甜品呀!
      番薯...不是我一個人食晒架!:P

      刪除
  12. K煲糖水真有一手噃, 懂得弄咁多款美味的甜品出來, 哈哈...我都好鍾意食喳咋糖水架, 唔..真係好食嘞, 唔該, 再來一碗...!(國語話)::kk3071

    回覆刪除
    回覆
    1. 哈哈哈...Momo 過獎了!::oo2053

      刪除
  13. 有時間我都會整下野食。焗爐壞咗之後,最近都係煮糖水、蒸甜品多。(=^・^=)

    回覆刪除
    回覆
    1. 米:有時間post啲糖水、甜品食譜呀!:)

      刪除
    2. 我之前好喜歡追看一部美國電視連續劇《LOST》,曾經連續煲過兩次"全套"《LOST》.
      煲劇煲到真的有點迷失...lost!kakakaka....

      刪除
  14. 回覆
    1. 世界上没有完美的人與事,對生命認真,對自己有要求的人, 久不久也會有迷失的感覺!:P

      刪除
    2. 大夫:分組...揀...乜嘢對象 ...呢?
      你喺度講你自己分組揀對象呀?:P

      刪除
    3. Kaka 分組揀對象的版面
      消失了

      刪除
    4. 你喺咪用手機睇呀!咁…仲有冇睇到啲其他嘢呢?哈哈哈…::kk3167

      刪除
    5. 你分組揀對象
      版面消失了
      仲有無機會入幕呢 !?

      刪除
    6. 咩嘢呀!我之前唔小心㩒錯咗咋!::kk3173
      "仲有無機會入幕呢 !? "...大夫,家陣寫blog咋喎!咪搞到咁複雜喇!
      我份人喜歡簡單!哈哈哈…

      刪除

歡 迎 閣下進 入 KaKa 的 Blog 天地,請留下一言半語吧!